નાનાપોંઢા ખાતે વલસાડ જિલ્લા શિક્ષણ વિભાગ તથા ગુજરાત શૈક્ષણિક સંશોધન અને તાલીમ પરિષદ, ગાંધીનગરના સંયુક્ત આયોજન હેઠળ જિલ્લા સ્તરનું વિજ્ઞાન અને ટેકનોલોજી પ્રદર્શન યોજાયું. કાર્યક્રમમાં ધારાસભ્ય જીતુભાઈ ચૌધરી, કપરાડા ભાજપ પ્રમુખ વિપુલભાઈ ભોયા, સરપંચ મુકેશભાઈ પટેલ સહિત અનેક અગ્રણીગણ ઉપસ્થિત રહ્યા હતા.
પ્રદર્શન દરમિયાન જિલ્લાની વિવિધ શાળાઓના પ્રતિભાશાળી વિદ્યાર્થીઓએ પોતાના વૈજ્ઞાનિક પ્રયોગો અને ટેકનોલોજી આધારિત પ્રોજેક્ટો રજૂ કર્યા. યુવા પ્રતિભાના નવીન વિચારોને અગ્રણીગણ તરફથી પ્રોત્સાહન મળ્યું. વિદ્યાર્થીઓએ રજૂ કરેલા પ્રયોગો વિજ્ઞાન પ્રત્યે જિજ્ઞાસા અને સર્જનાત્મકતાનો ઉત્તમ પરિચય આપી રહ્યા હતા.
આ પ્રસંગે મહેમાનો દ્વારા વિદ્યાર્થીઓના આત્મવિશ્વાસમાં વધારો થયો અને તેમને આવનારા સમયમાં વિજ્ઞાન અને ટેકનોલોજીના ક્ષેત્રે આગળ વધવા પ્રેરણા મળી. કાર્યક્રમમાં મોટી સંખ્યામાં શિક્ષકો, વિદ્યાર્થીઓ અને વાલીઓએ પણ હાજરી આપી.
જિલ્લા સ્તરે આયોજિત આ પ્રકારના પ્રદર્શનોથી નવી પેઢીમાં સંશોધન પ્રત્યેનો ઉત્સાહ વધે છે અને રાષ્ટ્રના વિકાસમાં વિજ્ઞાન આધારિત યોગદાન આપવા માટે પ્રેરણા મળે છે.
