આગામી ત્રણ કલાક દરમિયાન દક્ષિણ ગુજરાતના નવસારી, ડાંગ, વલસાડ, દાદરા અને નગર હવેલી તથા દમણ વિસ્તારમાં છૂટાછવાયા સ્થળોએ ભારે વરસાદ પડવાની હવામાન વિભાગે આગાહી કરી છે. વરસાદની તીવ્રતા પ્રતિ કલાક 15 મીમીથી વધુ રહી શકે છે. સાથે જ મધ્યમ વાવાઝોડા સાથે મહત્તમ સપાટી પવનની ગતિ 41 થી 61 કિલોમીટર પ્રતિ કલાક સુધી પહોંચી શકે છે, ખાસ કરીને ઝૂંકા વાવાઝોડા દરમ્યાન ગતિ વધુ અનુભવાઈ શકે છે.
હવામાન નિષ્ણાતોનું કહેવું છે કે આ પરિસ્થિતિને કારણે નીચાણવાળા વિસ્તારોમાં પાણી ભરાવાની શક્યતા વધી શકે છે. તેમજ તીવ્ર પવનને કારણે વૃક્ષો, વીજળીના થાંભલા તથા કાચા મકાનોને નુકસાન થવાની સંભાવના છે. સ્થાનિક તંત્ર દ્વારા લોકોને સાવચેત રહેવાની સૂચના આપવામાં આવી છે. ખુલ્લી જગ્યાઓમાં જવા, ઝાડ નીચે ઊભા રહેવા અથવા નબળા માળખાં પાસે જવાની ટાળવાની સલાહ આપવામાં આવી છે.
માછીમારોને સમુદ્રમાં ન જવા ચેતવણી આપવામાં આવી છે. નાગરિકોને જરૂરિયાત સિવાય બહાર ન નીકળવાની તથા તંત્ર દ્વારા આપવામાં આવતા માર્ગદર્શનોનું પાલન કરવાની વિનંતી કરવામાં આવી છે. હવામાન વિભાગે જણાવ્યું છે કે આગામી કલાકોમાં પરિસ્થિતિ પર નજર રાખી તાત્કાલિક માહિતી જાહેર કરવામાં આવશે.
