રાજ્ય સરકાર દ્વારા સમયાંતરે યોજાતા રોજગાર મેળાઓ યુવા વર્ગ માટે આશાનું કિરણ સાબિત થઈ રહ્યા છે. આવા મેળાઓ નોકરી શોધનારા અને નોકરીદાતાઓ વચ્ચે સીધો સંપર્ક સ્થાપિત કરીને ઝડપી રોજગાર ઉપલબ્ધ કરાવવામાં મદદરૂપ બને છે. તાજેતરમાં કપરાડા ખાતે યોજાયેલા રોજગાર મેળામાં અનેક યુવાનોએ વિવિધ ક્ષેત્રોમાં નોકરી મેળવવામાં સફળતા મેળવી.
કપરાડાની યુવતી મનિષા માહલાએ પણ આ મેળા મારફતે નોકરી મેળવી આત્મનિર્ભર બનવાની દિશામાં મહત્વપૂર્ણ પગલું ભર્યું. મનિષાએ આનંદ વ્યક્ત કરતાં કહ્યું કે, “રોજગાર મેળા થકી સરકારે મને ઉડવા માટે પાંખો આપી છે, હવે હું મારા સપના સાકાર કરી શકીશ.”
રાજ્ય સરકારના આ પ્રયાસો ગ્રામીણ તેમજ આદિવાસી વિસ્તારોના યુવાનોમાં નવી ઉર્જા અને આત્મવિશ્વાસ ફૂંકી રહ્યા છે. આવી યોજનાઓથી યુવાઓમાં રોજગારીની તકો વધવા સાથે આત્મનિર્ભર ભારતના સપના તરફ મજબૂત પગલા ભરાયા છે.
